Persona ende të panjohur kanë qëlluar me kallashnikov drejt makinës në të cilën udhëtonte Zamir Kalemi mbrëmjen e sotme tek rrethrrotullimi i Selitës, në Tiranë. Ai ka marrë një plagë në këmbë dhe është dërguar në spital dhe ndodhet jashtë rrezikut për jetën.
Advertisements
35-vjeçari Kalemi ka qenë duke udhëtuar me makinë kur u qëllua me armë nga persona të paidentifikuar. Zamir Kalemi është vëllai i Andrea Kalemit dhe kushëri i Aleksandër Sadikajt. Andrea Kalimi i shpëtoi një atentati me armë në Greqi në Gusht 2023 duke mbetur i plagosur rëndë.
Aleksandër Sadikaj 27 vjeç mbeti i vrarë në zonën e Unazës së Madhe të Tiranës më 11 Qershor 2022 në një atentat me eksploziv që i ishte vendosur poshtë makinës Volkswagen me të cilën udhëtonte.
Advertisements
Policia shkoi në rrethrrotullimin e Selitës dhe nisi hetimet për zbardhjen e dinamikës, ndërsa u ngritën postblloqe në akse të ndryshme rrugore të kryeqytetit për kapjen e autorit/ëve. Nuk është e qartë nëse plagosja ka ndodhur pas një sherri të çastit apo ka qenë atentat.