Policia serbe ka arrestuar 35 demonstrues që morën pjesën në protestat e dhunshme në Beograd mbrëmjen e së dielës.
Advertisements
Protestuesit u arrestuan me akuzën e tentativës për të sulmuar institucionet shtetërore.
Nga trazirat në kryeqytetin serb u plagosën edhe disa punonjës policie, dy prej të cilëve në gjendje më të rëndë, sipas mediave serbe.
Advertisements
Protestuesit rrethuan mbrëmë godinën e Bashkisë së Beogradit për të shprehur revoltën ndaj asaj që ata e quajnë mashtrim në zgjedhjet parlamentare dhe lokale që u mbajtën në një ditë më 17 Dhjetor në Serbi.
“Serbia kundër dhunës”, grupi kryesor i opozitës serbe, kundërshton rezultatin e zgjedhjeve që i dhanë sërish fitoren Vuçiçit dhe i konsideron të vjedhura.
Protestuesit hodhën sende të ndryshme në godinën e bashkisë dhe tentuan të hynin brenda.
Policia krijoi një rrethim dhe përdori gaz lotësjellës për të shpërndarë protestuesit.
Mbrëmë vonë, Presidenti serb Aleksandar Vuçiç mblodhi Këshillin e Sigurisë Kombëtare. 35 demonstrues u vunë në pranga pas protestave.
/tvklan.al