Një grabitje ka ndodhur në orët e vona të mbrëmjes së djeshme në Tiranë, në një biznes në rrugën “Myslym Shyri”.
Advertisements
Mësohet se një person ende i paidentifikuar, i armatosur dhe i maskuar, ka hyrë brenda biznesit dhe ka vjedhur një shumë parash.
Siç shihet dhe nga foto grabitësi është i veshur me një bluzë të kuqe me kapuç, si dhe mban vënë një kapele.
Advertisements
Mësohet se autori ka grabitur rreth 40 mijë lekë të reja, duke u largua më pas me shpejtësi. Ndërkohë, policia është vënë në ndjekje të tij.
Njoftimi policisë:
Tiranë/Informacion paraprak
Më datë 10.10.2023, rreth orës 20:35, në rrugën “Myslym Shyri”, një shtetas ende i paidentifikuar, veshur me kostum të kuq dhe me kapele, dyshohet se nën kërcënimin e një sendi në dukje armë zjarri, ka vjedhur një shumë parash në një biznes, dhe më pas është larguar.
Grupi hetimor ndodhet në vendngjarje dhe po punon për identifikimin dhe kapjen e autorit.