Një rast i çuditshëm dhe i pazakontë ka ndodhur në një nga komisariatet e Tiranës.
Advertisements
Mbrëmjen e kaluar një efektive e patrullës në komisariatin nr 1 në Tiranë së bashku me kolegun e saj kanë gjetur një armë zjarri brenda automjetit të shërbimit.
Punonjësja e policisë kishte humbur një send personal dhe ka kërkuar sëbashku me kolegun në mjet. Në pjesën e poshtme të sediljes së pasagjerit kanë gjetur një çantë të zezë meshkujsh të mbuluar me pluhur. Kur e kanë hapur brenda saj kanë gjetur një pistoletë TT.
Advertisements
Arma është dërguar në laborator për shenjat e gishtave. Dyshohet se arma mund të jetë lënë nga ndonjë person i shoqëruar që ka qenë i armatosur. Ai dyshohet se ka përfituar nga mungesa e vëmendjes së efektivëve dhe e ka fshehur.
Në hetime po merr pjesë edhe Agjencia e Mbikëqyrjes Policore.