Policia e Tiranës bën me dije se ka vënë në pranga dy persona pasi u kapën duke lëvizur me armë zjarri.
Advertisements
Bëhet fjalë për P.L., dhe Gj.H., të dy këta persona rezultonin të dënuar më parë.
Gjithashtu theksohet se të arrestuarit dyshohet se po përgatiteshin për të kryer vjedhje në një banesë.
Advertisements
Sakaq shërbimet e Policisë gjetën dhe sekuestruan, në cilësinë e provës materiale një armë zjarri kallashnikov, dy krehra, veshje dhe sende të tjera.
Kamzë-Njoftimi:
Finalizohet nga Komisariati i Policisë Nr. 5, operacioni policor i koduar “Parandalimi”.
U kapën në flagrancë duke qarkulluar me armë zjarri në automjet, vihen në pranga 2 shtetas që dyshohet se do të vidhnin në një banesë.
Të dy të arrestuarit, të dënuar më parë për vepra të ndryshme penale.
Sekuestrohen një armë zjarri kallashnikov, dy krehra, një automjet, veshje dhe sende të tjera që dyshohet se autorët do t’i përdornin për të kryer vjedhjen.
Shërbimet e Komisariatit të Policisë Nr. 5, në bashkëpumin me shërbimet e Forcës së Posaçme “Shqiponja” dhe të Forcës së Posaçme Operacionale, në vijim të punës për goditjen e paligjshmërive, pas një pune të mirëfilltë hetimore, kanë organizuar punën dhe kanë finalizuar me sukses operacionin policor të koduar “Parandalimi”.
Si rezultat i këtij operacioni, u bë kapja dhe arrestimi në flagrancë i shtetasve:
– P. L., banues në Pezë Helmës, i dënuar më parë për vjedhje;
– Gj. H., banues në Kamzë, i dënuar më parë për armëmbajtje pa leje.
Në Pezë Helmës, shërbimet e Policisë kanë lokalizuar automjetin tip “Volkswagen” me të cilin udhëtonin shtetasit P. L. dhe Gj. H. Gjatë kontrollit të automjetit, shërbimet e Policisë gjetën dhe sekuestruan, në cilësinë e provës materiale një armë zjarri kallashnikov, dy krehra, veshje dhe sende të tjera. Nga veprimet hetimore dyshohet se këta shtetas po përgatiteshin për të kryer vjedhje në një banesë.
Materialet i kaluan Prokurorisë, për veprime të mëtejshme procedurale.