Nëntë punonjës të një fabrike përpunimi ulliri. janë paraqitur këtë të enjte me shenja intoksikimi në spitalin e Fierit.
Advertisements
Pacientët janë shoqëruar ne mjediset e urgjencës dhe po marrin ndihmën mjekësore. Sipas bluzave te bardha, ata nuk paraqesin komplikacion dhe janë duke iu nënshtruar të gjitha ekzaminimeve mjekësore. Situata e pacientëve paraqitet e stabilizuar,
duke qenë se kanë marrë në kohë edhe shërbimin mjekësor. Është parë e nevojshme që 4 pacientë të mbahen në observim spital, ndërsa të tjerët janë larguar për në shtëpi. Situata paraqitet normale edhe për 4 pacientët qe vijojnë te marrin terapi, e pas përfundimit të saj do të shoqërohen për në banesë.
Advertisements
Njoftimi i policisë:
Rreth orës 10:00, në Spitalin Rajonal Fier, kanë shkuar me shenja helmimi dhe ndodhen jashtë rrezikut për jetën, 9 shtetase, të cilat punojnë në një fabrikë përpunim ullinjsh, në aksin rrugor “Fier – Vlorë”.
Nga verifikimet paraprake, dyshohet se helmimi i tyre ka ardhur si pasojë e një reaksioni të shkaktuar nga produkti aromatizues (parfum) i përdorur nga njëra prej këtyre shtetasve.
Grupi hetimor po punon për zbardhjen e plotë të ngjarjes.