“Po pinte cigare në korridor, i vuri zjarrin…”/ Klodiana Lala tregon detaje nga ngjarja në komisariat dhe bën deklaratën ‘bombë’ për policët

Gazetarja Klodiana Lala ka zbardhur detaje të reja nga zjarri në komisariatin numër 5 ku humbi jetën një 26-vjeçar.

Sipas dosjes hetimore, Arben Mici ishte shoqëruar në polici 22 herë gjatë dy muajve të fundit.

Gazetarja Klodiana Lala bën të ditur se mbrëmjen e kaluar ai është lejuar të ndezë një cigare dhe e kanë nxjerrë në korridor.

Në një moment është kthyer në qelinë e izolimit dhe i ka vënë flakën dyshekut. Nga asfiksia ka gjetur vdekjen 26-vjeçari, ndërsa është lënduar Dilaver Idrizi.

Kushtet në dhomat e izolimit në komisariat janë shumë të rënda. Është rekomanduar nga Avokati i Popullit mbyllja urgjente e tyre.

Dyshohet se policët kanë qenë duke parë ndeshjen që kanë reaguar me vonesë. Për shkak se ambientet janë pa ajrim zjarri mund të shkrumbonte të gjithë komisariatin.