Autoriteti Kombëtar i Ushqimit ka bllokuar linjën e kosit dhe salcës së kosit të kompanisë “Gjirofarm”.
Advertisements
Mësohet se në këto produkte janë gjetur mbetje dhe sipas kreut të AKU-së një kompani e huaj do të kryejë analizat.
AKU pas kryerjes së inspektimit në magazinën e subjektit, ka marrë konform legjislacionit në fuqi masë administrative gjobë dhe masë urgjente të ndërprerjes së kryerjes së veprimtarisë.
Advertisements
“Subjekti është urdhëruar të tërheqë nga tregu produktet e rezultuara pozitive. Është kryer bllokimi i linjës së prodhimit të produktit kos dhe salcë kosi, si dhe u vendos bllokimi i sasisë së produktit të gjetur prej të cilit u morën mostra për analizim”, thuhet në njoftimin e AKU.
Burime për mediat bëjnë me dije se inspektorët e AKU-së po kontrollojnë këto produkte në marketet e Gjirokastrës , ndërkohë që u është bërë thirrje të gjithë konsumatorëve që të kthejnë produktet e blera.