Erërat e fuqishme sot ishin si pasojë e afrimit të një qendre ciklonike nga Deti Adriatik. Erërat më të fuqishme ishin në Shqipëri, por lokalisht edhe në Kosovë dhe Maqedoninë Veriore. Me ardhjen e qendrës ciklonike pritet të kemi dobësim të erërave, ngase gjithnjë në qendrën e një cikloni është më qetë se përreth. Me ardhjnë e sistemit të vranësirave me reshje në kuadër të ciklonit do kemi reshje shiu, ndërsa në viset malore reshje bore, por erërat nuk pritet të jenë shumë të fuqishme.
Advertisements
Sot pritet të jemi nën ndikimin e plotë të këtyre masave ajrore ciklonike, ndërkohë që gjatë ditës së nesërme reshjet pushojnë për të vazhduar në rrebeshe lokale në zona të caktuara. Në anën tjetër kemi depërtimin e një mase edhe më të fuqishme ciklonikee cila pritet të zhvillohet në Itali. Ky ciklon pritet të na sjellë reshje të reja gjatë fundjavës. Reshjet pritet të jenë kryesisht në formë shiu në Shqipëri, ndërsa të përziera dhe në formë bore në Kosovë, varësisht nga temperaturat dhe fluksi i ajrit të ftohtë polar. Me largimin e ciklonit në drejtim të lindjes hapet rruga e depërtimit të masave të ftohta ajrore. Viset kodrinore-malore të Kosovës pritet të kenë reshje të dendura bore dhe skenarë të vërtetë dimëror. Reshjet e borës pritet të përfshijnë edhe shumë ultësira të Kosovës dhe përjashtim mund të bejnë vetëm disa ultësira të Dukagjinit.
Nga java tjetër në Shqipëri do të kemi më në fund një pauzë më të gjatë nga reshjet, por temperaturat pritet të shënojnë ulje, ndërkohë që në Kosovë pas reshjeve të fundjavës pritet që herë pas here të ketë reshje të izoluara bore ose rrebeshe të herëpashershme bore në disa zona. Temperaturat pritet të shënojnë ulje dhe na presin disa ditë të ftohta. Vlenë të theksohet se i ftohti pritet të jetë mjaft i theksuar sidomos gjatë netëve dhe mëngjeseve.
Advertisements
Ende priten korrigjime të vogla në modele sa i përket llojit dhe sasisë së reshjeve, por një gjë dihet gati sigurtë se na pret një fundjavë me reshje të “llojllojshme” atmosferike.
Informacione dhe detaje më të sakta pritet të kemi gjatë ditës së nesërme./MeteoBallkan
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!