Dy të rinj shqiptarë në zotërim të 800 mijë eurove, të ndara në pako, janë arrestuar nga policia italiane në Rozzano, provinca e Milanos.
Advertisements
Arrestimi i dy shqiptarëve, 29 e 19 vjeç, është bërë që të enjten, por njoftimi u dha vetëm sot.
Ata ishin gjurmuar nga agjentët në kuadrin e një hetimi anti-drogë, pasi u vunë re teksa dilnin nga një apartament në Rozzano, i cili survejohej për shkak se dyshohej si bazë logjistike e një bande të trafikut të drogës.
Advertisements
Pas ndalimit, të rinjtë nuk ishin në gjendje të justifikonin origjinën e parave, të cilat, sipas agjentëve, mund të jenë pagesë për ndonjë ngarkesë droge që ka kaluar dorë pas dore, ose ndoshta ata mund të jenë ‘llogaritarët’ që merren me mbledhjen dhe shpërndarjen e parave për llogari të bandës.
Paratë ishin fshehur në çantën e palestrës nga dy të rinjtë shqiptarë.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!