Motra e Ardit Hidës gjatë një interviste ekskluzive për “Fax News” ka treguar dinamikën e ngjarjes kriminale mbrëmjen e së premtes ku vëllai i saj goditi me thikë duke i shkaktuar vdekjen 26-vjeçarit Florenc Kovaçit dhe plagosi rëndë vëllain e këtij të fundit, Mikel Kovaçin.
Advertisements
14-vjeçarja thotë se dy vëllezërit Kovaçi ishin konfliktuar edhe më parë me Ardit Hidën të cilit i kishin treguar disa mesazhe dhe video, ndërsa e mitura e pranon se ka konsumuar vazhdimisht lëndë narkotike. E mitura tregon se e ka parë gjithë skenën e krimit ku thekson se vëllai i saj e goditi me thikë vetëm një herë nga krahu i zemrës Florenc Kovaçin për të cilin thotë se mbeti i shtrirë pa shenja jete.
Rrëfimi i 14-vjeçares për “Fax News”:
Advertisements
“Unë nuk e dëgjova familjen time dhe ikja nga shtëpia, ikja nga institucionet, pjesa e sherrit me vëllezërit Kovaci kishte ndodhur edhe më parë. Ata i thoshin vëllait se kemi mesazhe, kemi video. Ishin tek sporti i vjetër biseduam për pak minuta aty erdhi vëllai im, e shoh të inatosur dhe filluan ofendonin nga dy palët. Pjesë kur ndodhi sherri ishte edhe shoku i dy vëllezërve që u thotë çfarë ke me motrën time.
Vëllai bën një hap pas dhe nxjerr thikën. Mikeli donte të ikte dhe punë sekondash e godet dhe ikin kurse Florenci ngel aty sepse Arditi e goditi nga krahu i zemrës. Pas ngjarjes më thotë vëllai shko në shtëpi i them gjyshes, kurse vëllai e kishte lënë Florenc Kovaçin tek pallati, shkoi e lau thikën e vendosi në vend të vet. Më pas Arditi mori në telefon mamin dhe i thotë cfarë kishte bërë.
Flemë gjithë natën dhe po prisnim policinë që ta merrte Arditin. Gjithçka që u bë u bë unë jam e vetëdijshme, më prek vetëm ajo e vëllait që jemi rrit por edhe ajo e personit që vdiq sepse e pashë me sytë e mi, edhe të plagosurin e pashë me sytë. Është e vërtetë që kam marrë lëndë narkotike me dy vëllezërit, më shumë kam përdorur me Mikel Kovaçin. Në fillim preferova vet pastaj i thash boll më se nuk ka lezet. Por asaj hapen fjalë në qytet. Nga autoritetet nuk kërkoj asgjë sepse thelbi isha unë pastaj pjesa tjetër që kishin hyrë në konflikt Milek Kovaçi kishte hyrë. Kërkoj që të lehtësohet situata për vëllain tim”, tregon vajza e mitur.
Ditën e hënë, Gjykata e Elbasanit vendosi masën e sigurisë “arrest me burg” për Ardit Hidën.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!