Sekretari i Përgjithshëm i NATO-s, Jens Stoltenberg ka reaguar sërish për situatën e krijuar në veri të Kosovës për shkak të reciprocitetit për targat me Serbinë.
Advertisements
Përmes një postimi në Twitter, ai shkruan se ka biseduar me Presidentin Aleksandar Vuçiç dhe kryeministrin Albin Kurti ku i ka kërkuar që të ulin tensionet mes dy vendeve.
“Kam biseduar me kryeministrin e Kosovës, Albin Kurti dhe presidentin e Serbisë, Aleksandar Vuçiq lidhur me nevojën për shtensionimin e situatës në veri të Kosovës. Është vitale që Prishtina dhe Beogradi të tregojnë përmbajtje dhe t’i kthehen dialogut. Mandati i misionit të NATO-s, KFOR-it mbetet që të sigurohet që të ketë ambient të sigurt dhe liri të lëvizjes për të gjithë”, ka shkruar Stoltenberg.
Advertisements
I spoke to @avucic of #Serbia & @albinkurti of #Kosovo about the need to de-escalate in the north of Kosovo. It's vital both Belgrade & Pristina show restraint & return to dialogue. @NATO_KFOR’s mandate remains to ensure a safe & secure environment & freedom of movement for all.
— Jens Stoltenberg (@jensstoltenberg) September 26, 2021
Për 7 ditë me rradhë, dy rrugët në Kosovë që të çojnë në pikat kufitare në Jarinjë dhe Bërnjak janë bllokuar për shkak të kundërshtimeve të serbëve lidhur me masën e reciprocitetit për targat.
Për këtë situatë të krijuar, kanë reaguar dhe SHBA ku i bëjnë thirrje të dyja palëve për të ulur tensionet dhe për t’iu kthyer dialogut.
Nga ana e tyre, liderët kosovarë qëndrojnë në mendimin se nuk kanë shkelur asnjë rregull. Që prej 20 shtatorit, të gjitha automjetet nga Serbia që hyjnë në Kosovë, duhet të largojnë targat dhe të përdorin targa të përkohshme të lëshuara nga autoritetet e Kosovës.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!