Në San Siro, për javën e tretë në Serie A , Milan i Stefano Piolit mundi Lazio-n e Maurizio Sarri 2-0 , duke arritur në kuotën e 9 pikëve, me pikë të plota.
Advertisements
Për kuqezinjtë, Rafael Leao dhe Zlatan Ibrahimovic i kthyer shënojnë , ndërsa Kessie humbet një penallti. Humbja e parë në kampionat për bardhekaltërit, të cilët mbeten në kuotën 6 pikëve.
Ndeshja ishte mjaft e ekuilibruar me pak mundësi nga të dyja skuadrat, por pjesa e parë përfundoi në mënyrë shpërthyese: në minutën e 45 -të, pas një kundërsulmi “vrastar”, kuqezinjtë shënuan me Leao-n, i cili pasi njësh-dyshit me Rebic mundi Reinën.
Advertisements
Milan pati një shans të artë të dyfishonte shifrat në minutën e 45+5, por Frank Kessie nuk u tregua i saktë nga pika e bardhë e penalltisë.
Lazio e kishte të vështirë të krijonte mundësi në pjesën e dytë, teksa kuqezinjtë zgjidhën çështjen e fituesit në minutën e 67 -të. Pas një kundërsulmi të shkëlqyer, Rebic asistoi sërish, këtë herë për Ibrahimovic, i cili hyri në lojë vetëm shtatë minuta më parë, dhe nuk ishte e vështirë për sulmuesin me përvojë të shënonte për rezultatin përfundimtar 2: 0.
Interesant, fakti, se në fillim të aksionit të golit të dytë, Ibrahimovic po lidhte këpucët, por pasi pa që skuadra e tij kishte një mundësi shënimi vrapoi me këpucë të palidhura dhe arriti të shënojë.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!