Ekipi i Napolit fitoi në shifrat 5-1 kundër Udinezes duke marrë vendin e dytë në Serinë A. Ekipi i Gatuzos ka një pikë më tepër se Atalanta ndjekëse, duke shpresuar se do të arrijnë në “Champions League” sa i përket sezonit të ardhshëm. Tekniku i Napolit i ka besuar sërish Elseid Hysajt nga minuta e parë.
Advertisements
Një histori shumë e çuditshme kjo me mbrojtësin shkodran që vazhdohet duke i besuar dhe pse është bërë e ditur se nuk do të jetë më pjesë e skuadrës në verë.
Ndërkohë e pazakonta vazhdon me faktin se Hysaj e ka rritur së tepërmi nivelin e lojës që nga momenti kur është marrë vendimi përfundimtar për të mos e rinovuar kontratën me Napolin. Niveli i treguar në ndeshjet e fundit ka bërë që tifozët të rikthejnë pikëpyetjet nëse duhet t’i besohet sërish mbrojtësit shkodran, duke ditur se më herët ishte personazhi negativ për ta.
Advertisements
Vlerësimi ndaj Udinezes ishte sërish i lartë për Hysajn që sipas “Calciomercato.it” meriton notën 6.5. “Ndeshja e Hysajt ishte e nivelit të mirë. Preciz në mbyllje, pa e tepruar në fazën sulmuese, por pa shpërfillur edhe përshpejtimin e aksioneve”.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!