Tirana mund t’i gëzohet borës këtë fundjavë ndërsa priten temperatura tepër të ulëta.
Advertisements
MeteoAlb deklaron se në ditët në vijim do të ketë një rënie të ndjeshme të temperaturave duke bërë që në zonat malore vlerat minimale të zbresin edhe në minus 15 gradë Celsius, ndërsa në Ultësirën Perëndimore vlerat minimale pritet të zbresin edhe në minus 5 apo minus 6 gradë celsius.
“Ndërsa maksimumet pritet të luhaten nga vlerat 7-8 gjatë ditës së shtunë, ndërsa të dielën një rënie më e ndjeshme e tyre duke zbritur në vlerat 4 gradë celsius në vlerat maksimale.
Advertisements
Po, gjatë kësaj fundjave pritet që reshjet e dëborës të përfshijnë vendin tonë. Që në orët e para të ditës së shtunë pritet që mbi 400 metër nga niveli i detit të kemi reshje dëbore, ndërsa e shtuna pasdite duke qenë se vijon rënia e ndjeshme e vlerave termike pritet që të zgjerohet hapësira e reshjeve të dëborës duke bërë që të përfshihen dhe zonat e ulëta, duke përfshirë dhe kryeqytetin, Tiranën, reshje që do të jenë prezent deri paraditen e ditës së diel”.
Sipas parashikimit, temperaturat e ulëta pritet të zgjasin dhe përtej të hënës dhe të martës, duke bërë që të kemi 6 deri në 7 ditë me temperatura ekstremisht të ulëta dhe në zonat e thella malore ta tejkalojnë -16, -17 gradë celsius.
Sa i përket Kosovës, e cila këtë javë do të ketë votime, Osmani tha se edhe vlerat maksimale do të jenë negative.
“Në Kosovë, në orët në vijim mbetet me kushtet e motit të qëndrueshëm, fundjava me reshje dëbore dhe temperatura shumë më të ulëta. Pritet që 24 orëshi gjatë ditës së shtunë dhe të diel dhe vlerat maksimale të jenë negative deri në 0 gradë celsius”, tha Osmani.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!