Kënaqësi të vogla, por që në momente të caktuara flasin shumë: fëmijët e shtruar në repartin pediatrik dhe atë për pacientët më Covid-19 në spitalin San Paolo të Milanos, janë përballur me një surprizë të bukur.
Advertisements
Katër superheronj i vizituan në dhomat e tyre të spitalit, duke mbërritur nga dritaret. Kapiten Amerika, Spiderman, Ironman e Hulk i kanë përshëndetur pacientët e vegjël, të cilët janë ngazëllyer pamasë.
Pas maskave aq të dashura për vogëlushët qëndronin pjesëtarë të EdiliziAcrobatica, një firmë mirëmbajtjeje dhe ndërhyrje në grataçela e pallate.
Advertisements
“Gjatë valës së parë të pandemisë, njerëzit i quanin superheronj mjekët dhe infermierët”, tha drejtori i përgjithshëm i spitalit, Matteo Stocco.
“Tani Hulku e Spidermani erdhën në spital për t’i falenderuar për forcën dhe profesionalizimin e treguar gjatë gjithë vitit”, u shpreh ai, ndërsa shtoi se në të njëjtën kohë, kjo ishte dhe një surprizë mjaft e këndshme për fëmijët e sëmurë.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!