Presidenti serb ka thënë që është faji i tij për përhapjen e rasteve të reja, pasi nuk mbyllixhamitë, dhe lejoi tubimet fetare.
SERBI– Presidenti i Serbisë, Aleksandër Vuçiç teksa ka komentuar situatën e rëndë të pandmisë në Serbi, u shpreh se po merrte përsipër përgjegjësinë për atë që po ndodh.
Ai i është referuar Novi Pazarit, kryeqendrës së Sanxhankut, vend në të cilin shifrat e infeksioneve janë më të frikshme, ku Vuçiç e adresoi problemin te kremtimi i Bajramit, që sipas tij ka qenë shkak për përhapjen e kësaj vale tjetër të Covid-19.
Advertisements
“Unë nuk dija sa duhet për zakonet e miqve tanë muslimanë, boshnjakët tanë. Unë nuk e dija se sa e rëndësishme është Bajrami, sa njerëz shkojnë në xhami. Ne nuk e ndaluam hyrjen në xhami dhe kjo na kushtoi shtrenjtë. Kjo na kushtoi jashtëzakonisht e shtrenjtë, edhe nëse dikush është fajtor për këtë, ky jam unë.”– deklaroi presidenti Vuçiç.
Ndërkohë, ky është i vetmi rast i këtyre javëve pas lirimit të masave shtrënguese, ku aludohet se vatra e rishpërthimit të infeksioneve mund të jetë nga xhami, ku në fakt ka tubim njerëzor me afërsi fizike gati të pakrahasueshme.
Advertisements
Por theksojmë këtu se as në nivel global nuk ka të dhëna apo fakte se tubimet fetare, posaçërisht ato islame, të jenë bërë shkak për përhapjen e infeksioneve të Covid-19.
Megjithatë në Serbi, autoritetet islame morrën vendimin për të mbyllur të gjitha xhamitë.
Deri më tani në Serbi janë regjistruar të infektuar 16.719 persona dhe kanë vdekur 330 të tjerë, që prej fillimit të shpërthimit të pandemisë, por lajmi i mirë është se janë shëruar 13.366.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!