Mes lotëve dhe dhimbjes janë përcjellë në banesën e fundit gjatë ditës së sotme Zhaneta dhe Anisa Josifi, të cilat u vetëflijuan në Tiranë, ndërsa trupat e pajetë të tyre u gjendën brenda banesës, ku prej ditësh kishin refuzuar ushqimin. Në arkivolin e Anisës është vendosur nga familjarët një vello e bardhë, duke e çuar në banesën e fundit si një nuse, që nuk mundi të ishte dot teksa qe në jetë.
Advertisements
Sipas ekspertizës, Anisa kishte rreth 15 muaj që kishte humbur jetën, dhe ishte mumifikuar nga e ëma dhe motra e saj, me shpresën se një ditë do të ringjallej, ndërsa disa ditë më parë kishte ndërruar jetë dhe vetë Zhaneta.
Ceremonia mortore është kryer në qytetin e Përmetit, nga dhe familja Josifi kishte origjinën, dhe ku prehej dhe kryfamiljari, që po ashtu kishte ndërruar jetë përmes vetëflijimit.
Advertisements
Nga kjo tragjedi, e vetmja që shpëtoi ishte vajza tjetër, Blerta e cila u dërgua në Urgjencën Psikiatrike, dhe tashmë e ka kaluar gjendjen e rrezikut për jetën. 34-vjeçarja nuk ka mundur dot që ti japë lamtumirën nënës dhe motrës së saj, për shkak të gjendjes emocionale dhe mendore në të cilën gjendet.
Ngjarja u denoncua nga daja i vajzave i cili u shqetësua për shkak se e motra nuk i kishte hapur telefonin. Pas mësymjes së policisë në banesë u zbulua edhe ngjarja e rëndë, që ka bërë që policia dhe prokuroria të nisin hetimet për sektet fetare që funksionojnë në Shqipëri.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!