Duke nisur nga e hëna (22 qershor) Shqipëria do të rihapë linjat ajrore nën masa të rrepta sigurie kundër përhapjes së koronavirusit.
Advertisements
Është vetë Ministria e Infrastrukturës dhe Energjisë që njoftoi rihapjen e tyre ku për më tepër shtoi se skedulet do të miratohen në vijim nga Autoriteti i Aviacionit
Civil.
Operatorët ajrorë duhet të marrin masat e nevojshme të higjienës të diktuara nga Ministria e Shëndetësisë për të garantuar mbrojtje të shëndetit të qytetarëve.
Advertisements
Shoqëritë ajrore duhet të bëjnë çdo përgatitje dhe të kenë gati planet e veprimit për zbatimin e detyrimeve të parashikuara në Protokollin e Operimit të Transportit Ajror, të miratuar me Urdhërin Nr.169, datë 5 qershor 2020, të Ministrit të Infrastrukturës dhe Energjisë.
Ndërkaq Autoriteti i Aviacionit Civil do të monitorojë rigorozisht zbatimin e këtyre masave.
Operatorët ajrorë që operojnë për dhe nga Aeroporti Ndërkombëtar i Tiranës do të jenë përgjegjës për të informuar pasagjerët për kufizimet e mundshme në fuqi për nisjet nga TIA për
në aeroportin e destinacionit të synuar.
/Ora News
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!