Kryeministri Edi Rama deklaroi sot se sezoni turistik do të hapet, por theksoi se kjo do të bëhet me shumë kujdes.
Advertisements
Në një konferencë të përbashkët për shtyp me ambasadorin Luigi Soreca, në Ditën e Europës, Rama tha se qëndrimi mbyllur nuk është zgjidhje dhe se moslejimi i zhvillimit të sezonit do të godiste ekonominë dhe shëndetin psikologjik të qytetarëve.
Rama u shpreh se hapja do të bëhet duke parë edhe strategjinë që do të ndjekin vendet e tjera që janë goditur po ashtu nga COVID-19
Advertisements
“Duhet të presim një rritje të numrave të të infektuarev edhe në Shqipëri, por nëse shifra kalon pritshmëritë, duhet që sistemi shëndetësorë të mos kolapsojë dhe rreziqet vijën nga ato aktivitet që mbledhin më shumë njerëz dhe aktivitet më intensiv nga mbledhja e shumë njerëzve në të njëjtën kohë se sa turizmi nuk ka.
Jemi para një vendimmarrje shumë të vështirë. E dimë që duke qëndruar ët mbyllur, duke mos lejuar zhvillimin e sezonit dëmtojmë shumë shëndetin, por kjo nuk është një zgjidhje sepse goditja ekonomike dhe psikologjike mund të jetë ekspotenciale. Këtu të gjithë duhet të kuptojnë se nuk është çështje policie, gjobash, është çështje qytetarie. Nuk jemi në kushtet që erdhi kjo situatë dhe hajde të përfitojmë të gjithë. Kjo situatë ka nevojë të përballohet me mirëkuptim.
Disa biznese që mund të përballojnë goditjen e deritanishme, janë ato që kërkojnë më shumë. Arrihet deri në inskenime, për të krijuar zhurmë në media për disa punonjës të sektorit fason që u pushuan pasi doli paketa, për të fituar nga paketa pronari i tyre. Goditja që ka marrë turizmi është reale. Jemi duke parë dhe të tjerët se çfarë po bëjnë dhe do shkojmë përpara për ta hapur sezonin me shumë kujdes. Arsyeja pse sot jemi në këtë pozicion kaq inkurajues nuk është Zoti i madh, por puna e përbashkët që kemi bërë, qeveria dhe populli“, tha Rama.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!