Abc News ka siguruar pamjet e momentit kur efektivët e Policisë së Shtetit mësyjnë më 24 mars në ambientin e qendrës sociale “Strehë dhe Shpresë” pranë ish-Kinostudios. Policia pretendoi se aty zhvillohej aktivitet i paligjshem dhe shoqëruan në Polici edhe drejtorin e qendrës, Hysni Kuka. Por, pavarësisht se është në ambientet e një Bar-Restoranti, aty nuk ushtrohet një aktivitet i tillë.
TIRANË– Ata ushqejnë qytetarët në nevoje prej vitesh, por kurrë nuk do ta kishin menduar se ky veprim do t’i hapte probleme me policinë. Abc News ka siguruar pamjet e momentit kur efektivët e Policisë së Shtetit mësyjnë më 24 mars në ambientin e qendrës sociale “Strehë dhe Shpresë” pranë ish-Kinostudios. Policia pretendoi se aty zhvillohej aktivitet i paligjshem dhe shoqëruan në Polici edhe drejtorin e qendrës, Hysni Kuka. Por, pavarësisht se është në ambientet e një Bar-Restoranti, aty nuk ushtrohet një aktivitet i tillë.
Advertisements
Nga ky ambient, përdoret vetëm kuzhina dhe punonjëset e qendrës e shërbejnë ushqimin për qytetarët në nevojë në ballkonin e improvizuar. Drejtori i qendrës sociale, Hysni Kuka, i cili u shërben 70 të moshuarve rezidentë dhe familjeve të varfëra prej 20 vitesh, tregon se çfarë ndodhi me policinë, ku më pas i vendosën edhe një gjobë 1 milion lekë.
“Ishte si një ditë e zakonshme, 08:30 po shpërndahej ushqimi dhe vjen kuzhinierja në zyrë dhe më thotë se ka ardhur policia dhe ka kapërcyer murin. Kur zbrita poshtë më thanë se ti do vish me ne se këtu tregtohet dhe është njësi tregtimi kjo. Atje nuk mu dha asnjë mesazh, kur vajta për 8 orë në polici në një ambient të ndyrë, pa maska pa asnjë mjet. Mu tha pastaj se ti duhet të paguash 10 milion lekë gjobë se ke hapur një njësi tregtare, kur kjo nuk është”, thotë Hysni Kuka, drejtor i “Strehë dhe Shpresë”
Advertisements
Nga ana tjetër pamjet flasin vetë se cili është shërbimi që ofron kjo qendër, ku kamera e ABC News ishte më 25 dhe 27 mars. Njerëzit presin në radhë për një kafshatë bukë apo një gjellë të ngrohtë. Qendra sociale “Strehë dhe Shpresë” në zonën e ish-Kinostudios u shërben çdo ditë ushqim dhe veshmbathje falas rreth 30 familjeve të varfëra. “Unë vi dy herë në ditë, marr drekën dhe darkën këtu. Dhe faleminderit zotërisë që na respekton se jemi të gjithë pa punë. Po të mos jetë ky ngordhim fare dhe mbravo i qoftë që na ndihmon. Po na mban me bukë”, thotë një qytetar.
Në këto ditë të vështira që po kalon vendi ynë nga virusi COVID-19, edhe varfëria është më e keqe se virusi. “Varfëria është njësoj vdekjeprurës si korona. Unë jam i licensuar për ëtë punë, kam 22 vjet që ushtroj këtë aktivitet”, thotë Hysni Kuka. Drejtori i qendrës Hysni Kuka shprehet se do vijojë t’I ndhmoje këto familje pa kushte dhe në çdo moment “Ua kam thënë këtë fjalë dhe ua them edhe juve, nëse do vijë koha edhe unë do të vdes për bukë bashkë me këta”, shprehet Kuka. Organizatat e huaja muajt e fundit janë solidarizuar me këtë qendër për t’u sjellë ndihma për personat në nevojë.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!