Kryetari i Bashkisë së Tiranës Erion Veliaj deklaroi nëpërmjet një postimi në rrjetin social Facebook se në “13 tetor” do të ketë zgjedhje.
Advertisements
Duke marrë shkas se në këtë datë do të mbahet maratona e katërt e Tiranës, kryebashkiaku i Tiranës u shpreh se njerëzit kanë mundësi të zgjedhin mes qëndrimit në shtëpi dhe pjesëmarrjes në gjysmëmaratonën e kryeqytetit, duke dhënë mesazhin e injorimit të 13 Tetorit si datë e zgjedhjeve lokale të dekretuara nga Presidenti i Shqipërisë Ilir Meta.
“Vjet lindi Kajan, sivjet s’ka justifikime!
Advertisements
Në 13 Tetor ka zgjedhje, dhe nuk janë imagjinarët e politikës së vjetër.
Mund të rrish në shtëpi, ose të marrësh pjesë në Maratona e Tiranës 2019 – ku mund të zgjedhësh sërisht mes disa garave të ndryshme!
Unë do tentoj 21km këtë mandat”, shkruan Veliaj.