FIFA ka përditësuar renditjen e për Kombëtaret e Futbollit. Surpriza më e madhe është Belgjika, e cila mban vendin e parë e ndjekur nga Franca.
Advertisements
Edhe pse “gjelat” arritën të ngrinin trofeun e Kupës së Botës si dhe ishin finalistë në Europianin e 2016-ës, sërisht nuk gjenden në majën e klasifikimit.
Treshja e parë mbyllet me Brazilin, duke u bërë kështu Kombëtarja e cila renditet më lart nga Amerika Latine. Po nga ky kontinent, në pozicion të 6 gjejmë Uruguain. Ndërkohë dhjetëshja mbyllet nga Kombëtarja e Danimarkës.
Advertisements
Ndërkohë Kombëtarja shqiptare ka humbur një pozicion duke u renditur në vendin e 62. Nuk mund të themi të njëjtën gjë për Kosovën, e cila vazhdon të ngrihet. Dardanët kanë fituar tre pozicione, duke u ngjitur në vendin e 127.
Zhgënjyese renditja ishte për Kombëtaren Gjermane, e cila humbi shumë në renditje, pas paraqitjes turpëruese në Botërorin e Rusisë.
Aktualisht “panzerat” renditen në vendin e 13. Renditja ishte zhgënjyese edhe për dy Kombëtare të tjera të mëdha si Argjentina dhe Italia, që renditen respektivisht në vendet 11 dhe 17.
