Policia greke ka ndjekur dy automjete që vinin nga kufiri i gjelbër me Shqipërinë, në njërin nga të cilët u gjet dhe sekuestrua një sasi prej 49 kg marijuanë.
Advertisements
Operacioni është zhvilluar nga policia e Patras, dje në afërsi të vendit të quajtur Klokova, në rrugën “Ionia”.
Janë arrestuar dy shqiptarë 21 dhe 22 vjeç, kushërinj me njeri-tjetrin dhe një grek 68 vjeç. Drejtuesi i mjetit të ngarkuar me droge ishte i moshuari grek, ndërsa dy shqiptarët kishin rolin e kontrollorit të rrugës për të shmangur kontrollet policore.
Advertisements
Mjetet ishin nisur nga Athina dhe janë ngarkuar me drogë në kufi me Shqipërinë, për t’u rikthyer sërish në Athinë. Në bagazhin e mjetit të drejtuar nga greku 68-vjeçar, u gjeten pako që përmbanin 49 kg marijuanë. Dosja i kaloi për hetime të mëtejshme Prokurorisë së Mesolongjit.