Kryeministri, Edi Rama, ka bërë një postim sqarues në Facebook, për lajmin që bëri bujë në mediat shqiptare pak ditë më parë.
Advertisements
Bëhet fjalë për lajmin se në kuadër të krizës energjitike, Zvicra dënon me burg qytetarët që e mbajnë kondicionerin të graduar më shumë se 19 gradë celcius.
Rama shkruan se Facebook se ky lajm është përhapur gjithandej, por jo nga ai, por nga vetë mediet zvicerane.
Advertisements
Ai thotë se në bashkëbisedimin publik që bëri sot, mësoi nga një gazetare se ambasadori zvicerian ka thënë se ky lajm është keqkuptuar.
Për këtë arsye Rama kërkom ndjesë, pavarësisht se sipas tij, ai nuk ka asnjë gisht në ndërkombëtarizimin e lajmit me burim median zvicerane, teksa ka bashkangjitur tre linqe nga mediet zviceriane në lidhje me lajmin.
“Ky lajm është përhapur gjithandej, jo nga unë po nga vetë mediat zvicerane. Në bashkëbisedimin e sotëm publik, pasi një gazetare shpjegoi, se sipas ambasadorit zviceran ky ishte keqkuptim, kërkova madje edhe ndjesë, pavarësisht se s’kam asnjë gisht në ndërkombëtarizimin e këtij lajmi me burim median zvicerane. Tani po bashkëngjis një postim kuptimplotë pas bashkëbisedimit publik dhe tre nga shumë linqet e lajmit në fjalë! Jam i bindur që e bëni vetë dallimin mes kujt ka respekt për të vërtetën e për publikun dhe kujt burimet e informimit i përdor për helmimin masiv të publikut!”, shkruan Rama në Facebook.
Lajmi për Zvicrën u përhap në Shqipëri pas deklaratës që ministrja e Infrastrukturës dhe energjisë, Belinda Balluku bëri disa ditë më parë në një takim me fëmijët e shkollës “Lasgush Poradeci” , në kuadër të informimit të fëmijëve për krizën energjitike.
Në këtë takim Balluku tha se Zvicra dënon me burg këdo që mban kondicionerin me mbi 19 gradë./Abcnews.al/