Publikohen pamje të tjera rrëqethëse nga Ukraina, ku edhe këtë të diel, Rusia ka prishur armëpushimin e ri të vendosur gjatë të cilit qytetarët do të mund të largoheshin nga Mariupoli.
Advertisements
Në këto foto e video, qytetarët ukrainas të Irpin vrapojnë të shpëtojnë jetën e tyre por forcat ruse vazhdojnë të bombardojnë ‘korridorin e gjelbër’ duke vrarë civilët.
Ne foto duken pamjet e tmerrshme te te vrareve ne rruge, e rreth tyre valixhet qe kishin bere gati per t’i ikur luftes.
Advertisements
Autoritetet ukrainase konfirmuan se në Irpin u vranë të dielën tre persona, mes tyre dy fëmijë.
Sipas mediave të huaja, forcat ruse po rrahin qëllimisht civilët që përpiqen të largohen nga Irpin këtë mëngjes.
“Një grua, një djalë, një vajzë adoleshente më vdiqën para syve dhe një burrë u plagos rëndë. Duhet të ketë qenë një familje…”, shkruan gazetari Andriy Dubchak, i cili ishte në vendngjarje dhe postoi këtë video të tmerrshme në rrjetet sociale.
Sipas The Guardian, gjatë armëpushimit të ri këtë të dielë pritej të evakuoheshin 400,000 persona.
The New York Times raporton se tre anëtarë të së njëjtës familje janë vrarë. Kjo gazetë po ashtu tha se një grup i vogël civilësh po vraponin në një rrugë dhe po ndihmoheshin nga ushtarët ukrainas që të arrinin në një pjesë të sigurt.
