Vijon lufta në Ukrainë ku ushtria ruse po kryen sulme të rënda me raketa në Irpin, në veri të Kievit. Sipas raporteve të inteligjencës, Kremlini u ka bërë të ditur forcave të armatosura ruse se lufta duhet të përfundojë deri në 9 maj. Bombardimi i javës së kaluar ndaj një teatri në Mariupol, ku qindra njerëz ishin strehuar, kishte shkaktuar zemërim ndërkombëtar, veçanërisht pasi u shfaqën imazhe që tregonin se fjala “fëmijë” ishte shkruar qartë mbi objekt. Këshilli Bashkiak i Mariupolit raportoi sot se rreth 300 njerëz u vranë nga sulmi rus mbi teatër.
Advertisements
Katër civilë janë vrarë dhe disa të tjerë janë plagosur pasi sulmet ruse goditën një qendër mjekësore në Kharkiv, thotë policia lokale. Sulmet kishin shënjestruar një qendër mjekësore në lagjen Osnovyansky të qytetit, thanë ata. Forcat ruse janë përpjekur pa sukses të rrethojnë Kharkivin, me analistët që thonë se u mungon municioni. Kharkiv është qyteti i dytë më i madh i Ukrainës dhe qëndron pranë kufirit rus në lindje.
Presidenti ukrainas Zelensky, u ka bërë thirrje liderëve evropianë që të miratojnë sanksione energjetike kundër Moskës. Ai po ashtu ka deklaruar se Europa ka vepruar shumë vonë me sanksionet ndaj Rusisë. Më tej Ministria e Jashtme e Ukrainës ka kërkuar nga Bjellorusia që të shkurtojë në pesë numrin e diplomatëve në ambasadën e saj në Kiev. Katër punëtorë të ambasadës do të lejohen të qëndrojnë në Bjellorusi, ndërsa pjesa e tjetër e stafit do të detyrohet të largohet nga vendi.
Advertisements
UNICEF deklaroi se një në çdo dy fëmijë ukrainas është zhvendosur që kur Rusia filloi pushtimin e saj më 24 shkurt. Në deklaratën e UNICEF-it u tha se 4.3 milionë fëmijë janë zhvendosur, që përfaqëson më shumë se gjysmën e popullsisë së vlerësuar me 7.5 milionë fëmijë të Ukrainës. Kjo shifër përfshin mbi 1.8 milionë fëmijë që kanë kaluar në vendet fqinje si refugjatë dhe 2.5 milionë fëmijë që janë gjithashtu të zhvendosur brenda vendit në Ukrainë.
Presidenti Joe Biden ka vizituar sot Poloninë, e cila është kthyer në shtëpinë e më shumë se dy milionë refugjatëve ukrainas pasi paralajmëroi më herët se NATO do të përgjigjet “në natyrë” nëse Rusia përdor armë kimike. Kriza e refugjatëve do të jetë një nga çështjet kryesore teksa ai është takuar me presidentin e Polonisë dhe gjithashtu ka vizituar edhe trupat amerikane të stacionuara në Rzeszoë, pranë kufirit me Ukrainën.
Para kësaj, do të ketë një takim me Presidenten e Komisionit Evropian Ursula von der Leyen në Bruksel, i cili priti një samit të liderëve të NATO-s dhe G7 në Bruksel të enjten .Johnson reagoi gjithashtu ndaj komenteve që dukej se e veçonin atë si udhëheqësin më të urryer të Rusisë. Zëdhënësi i Kremlinit, Dmitry Peskov, e quajti kryeministrin “pjesëmarrësin më aktiv në garë për të qenë antirus”, sipas agjencisë shtetërore të lajmeve RIA. Johnson u tha gazetarëve se ai “nuk ishte shumë anti-rus” dhe se askush i përfshirë në bisedimet ndërkombëtare nuk ishte kundër popullit rus.