Një lajm i hidhur ka ardhur për botën e letrave shqiptare. Është ndarë nga jeta poeti Bardhyl Londo.
Advertisements
“Me hidhërim mësuam se zemra e mikut dhe shkrimtarit të shquar Bardhyl Londo sapo ndali. Një kaba përmetare po vajton për të! “, shkruan një nga miqtë e tij.
Londo ka kryer studimet për gjuhë dhe letërsi në Universitetin e Tiranës. Pas mbarimit të fakultetit ai punoi për disa vite mësues në Përmet dhe më pas për gazetën letrare “Drita”. Për disa kohë ka qenë kryetar i “Lidhjes së Shkrimtarëve dhe Artistëve” (LSHA). Krijimtaria e tij letrare përfshin 8 vëllime me poezi si edhe disa romane. Është fitues i çmimit “Migjeni”.
Advertisements
Disa nga veprat e tij janë; Krisma dhe trëndafila (1975), Hapa në rrugë (1981), Emrin e ka dashuri (1984), Si ta qetësoj detin – poezi (1988), Ditë njerëzore, Shën Shiu – 2010, Jeta që na dhanë – 2013.
