Dy makina janë përplasur këtë mbrëmje në aksin rrugor Memaliaj-Tepelenë, në hyrjen e qytetit të Tepelenës.
Advertisements
Për pasojë kanë mbetur të dëmtuar pasagjeri i furgonit dhe dy pasagjeret e makinës tip “Benz”, të cilët janë transportuar për të marrë ndihmën mjekësore në spitalin Rajonal Gjirokastër.
“Rreth orës 21:20, në aksin rrugor Memaliaj-Tepelenë, në hyrjen e qytetit të Tepelenës, janë përplasur automjeti tip furgon me drejtues shtetasin turk O. K., 37 vjeç, me automjetin tip “Benz” me drejtues S. Ç., 31 vjeç, banues në Tepelenë”, sipas policisë.
Advertisements
Në vendngjarje ndodhet grupi hetimor dhe po punon për zbardhjen e shkaqeve të aksidentit.
Sot rreth orës 22:00, në aksin rrugor Levan-Vlorë, ka dalë nga rruga automjeti tip “Covert” me drejtues shtetasin D. Sh., 53 vjeç, banues në Shkodër, i cili për pasojë ka ndërruar jetë.
Grupi hetimor po punon për zbardhjen e plotë të rrethanave të kësaj dalje nga rruga.