Në 24 orët e fundit në vendin tonë është shënuar një numër relativisht i ulët rastesh të reja me COVID, krahasuar me ditët e shkuara. Kështu nga 1400 testime të kryera në total kanë rezultuar pozitivë 195 qytetarë. Ndërkohë kanë ndërruar jetë 4 pacientë, konkretisht një qytetar nga Korça 65 vjeç, një qytetare nga Elbasani 67 vjeçe, një qytetar nga Lezha 82 vjeç, një qytetare nga Fieri 85 vjeçe.
Advertisements
Janë 7065 pacientë aktivë me COVID19 në të gjithë vendin. Aktualisht në spitalet COVID po marrin trajtim 169 pacientë, nga të cilët 15 janë në gjendje më të rënduar. Janë shëruar 557 qytetarë gjatë 24 orëve të fundit, duke e çuar numrin e të shëruarve në 189,784 që nga fillimi i epidemisë.
Rastet pozitive janë identifikuar në këto bashki: 109 në Tiranë, 9 në Gjirokastër, 8 në Durrës, nga 6 qytetarë në Fier, Divjakë, Sarandë, Berat, nga 5 qytetarë në Skrapar, Mallakastër, nga 4 qytetarë në Lezhë, Lushnje, nga 3 qytetarë në Vlorë, Shkodër, nga 2 qytetarë në Vau i Dejës, Kavajë, Himarë, Përmet, nga 1 qytetar në Gramsh, Dimal, Kolonjë, Korçë, Tepelenë, Dropull, Selenicë, Patos, Dibër, Kurbin, Has, Kukës, Malësi e Madhe.
Advertisements
“Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë, sipas rekomandimit të mjekut të familjes. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, apelon MSH.
Statistika (30 Nëntor 2021)
Raste të reja ditore 195
Të shëruar në 24 orë 557
Të shtruar në spitale 169
Humbje jete në 24 orë 4
Testime ditore 1400
Testime totale 1,394,136
Raste pozitive 199,945
Raste të shëruara 189,784
Raste Aktive 7,065
Humbje jete 3,096
Shpërndarja gjeografike e rasteve aktive sipas qarqeve:
Tiranë 3600
Fier 699
Gjirokastër 530
Shkodër 477
Berat 396
Durrës 388
Elbasan 309
Vlorë 221
Korçë 177
Lezhë 152
Dibër 67
Kukës 51
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!