Gazetarja Eriona Rusi ka reaguar me një postim në Instagram pas komenteve të shumta që e sulmuan për pyetjet drejtuar një vogëlusheje që konkurrente në “T’ka mami yll”. Gazetarja shkruan se mbase bëri pyetje të gabuar por kurrsesi bullizëm. Për këtë të fundit ajo akuzon personazhet e njohur dhe faqjet që po e publikojnë videon duke e viktimizuar.
Advertisements
JuSugjerojmë
Bullizuan një fëmijë, Dafina Zeqiri për Albin Nakon dhe Erjona Rusin: Seriozisht?
“T’ka mami yll” apo ‘mish për top’ në duart e Albi Nakos?
“Liana është çokollata, karamelja, apo edhe puftja që e kam dashur që sa e pashë. Batutë e gabuar ajo që patë në emision? Patjetër që po. Por kurrsesi bullizëm. Nuk do guxoja kurrë të denigroja një fëmijë për asnjë arsye e jo më për shkak të peshës dhe nuk e kam bërë këtë.
Nëse nuk e keni përjetuar vetë, hapni fjalorin e shiheni mirë përkufizimin e bu llizmit. E dyta nëse do kishit parë gjithë bisedën e zhvilluar me atë fëmijë që kur vjen do kuptonit që ajo fjali vjen pasi folëm për “sufllaqen” që Lijana kërkoi. Dhe unë nuk jam as idiote e as mo nstër që ti them një fëmije rri pa ngrënë gjithë ditën vetëm që të kërcesh. Por a do hiqte dorë nga sufllaqja, pra ushqimi që ishte përmendur. Por ne kemi xhiruar mbi 5 orë e jo çdo gjë del në transmetim.Ndaj po, kam gabuar në mënyrën e të shprehurit, por nuk do ti kërkoja askujt falje përveçse Lijanës e prindërve të saj.
Advertisements
Këta të fundit duan vetëm që fëmija i tyre të heqë dorë nga këto ushqime ndaj e kanë sjellë në Akademi që të bëhet më e ndërgjegjshme dhe të stërvitet.
Kështu që si konkluzion: Duke u bazuar tek një fjali ju mund të bëni një fushatë të tërë denigruese dhe të mallkoni sa të mundeni pa marrë parasysh asgjë tjetër. Gjithsesi unë sa herë ta shoh “karamelen”, do vazhdoj ta përqafoj e do ti them të heqë dorë nga sufllaqet e picat se i bëjnë dëm. Për mua Lijana është një fëmijë special dhe e kam dashur që në sekondat e para të atij programi (për kë e ka ndjekur që në fillim) ndërsa ju po e ripostoni atë video duke e viktimizuar pafund Lijanën. Kush po bën bullizëm në fakt????”, shkruan gazetarja.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!