Policia Kufitare në Kapshticë ka sekuestruar 17.380 euro të padeklaruara. Paratë i përkisnin shtetasit me iniciale O. M., 57 vjeç, banues në Bishqem, Peqin, i cili nuk e kishte deklaruar shumën e parave që kishte në çantën e dorës.
Advertisements
Policia sqaron se ndaj 57-vjeçarit tashmë ka nisur procedimi penal.
Njoftimi i policisë:
Advertisements
Kapshticë
Policia Kufitare godet një tjetër rast të mosdeklarimit të të hollave në kufi.
Procedohet penalisht një shtetas.
Sekuestrohen 17.380 euro të padeklaruara.
Shërbimet e Stacionit të Policisë Kufitare Kapshticë, në vijim të punës për parandalimin dhe goditjen e paligjshmërisë, si rezultat i kontrolleve të shtuara bazuar edhe në analizën e riskut, në dalje të Republikës së Shqipërisë, kanë kaluar në vijën e dytë për kontroll shtetasin O. M., në çantën personale së të cilit, iu gjetën e sekuestruan në cilësinë e provës materiale 17.380 euro, sasi të cilën nuk e kishte deklaruar.
Veprimet e mëtejshme u kryen nga specialistët për Hetimin e Krimit Ekonomik-Financiar, në Drejtorinë Vendore të Policisë Korçë, të cilët filluan procedimin penal ndaj shtetasit O. M., 57 vjeç, banues në Bishqem, Peqin.
Materialet i kaluan Prokurorisë pranë Gjykatës së Shkallës së Parë Korçë për veprat penale “Mosdeklarimi në kufi i të hollave” dhe “Pastrimi i produkteve të veprës penale ose veprimtarisë kr iminale”.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!