Nuk ndodh shpesh që drejtuesit e mjeteve të falenderojnë efektivët e policisë kur këta të fundit i gjobisin apo u heqin patentën, por një rast i tillë ka ardhur nga Kosova.
Advertisements
Një qytetar ka publikuar një video ku falenderon Policinë e Kosovës, pasi i kanë hequr patentën dhe e kanë gjobitur me 300 euro, për shkak se kishte kaluar shpejtësinë e lejuar.
Ai thotë se policia e ka ndidhmuar të ndërgjegjësohet, ndërsa bën thirrje që shoferët të bëjnë kujdes kur drejtojnë mjetet, pasi aksidentet mund të jenë fatale dhe të marrin jetë njerëzish.
Advertisements
“Falenderim special për Policinë e Kosovës. Ju faleminderit që më gjobotët me 300 euro për shkak shpejtësie. Ju faleminderit që më hoqët patentën për 3 muaj, shkaku i shpejtësisë. Ju faleminderit që më hoqët 3 pikë në patentë, shkaku i shpejtësisë. Kjo është një vetëndërgjegjësim për mua dhe për shoferët. Ju lutem mos vozisni me shpejtësi të panevojshem dhe kini kujdes sepse shkaku i shpejtësisë së pakontrolluar po ndodhin aksidente, siç ekmi rastin në Shqiëpri, në Vlorë, ku u shua një familje. Është vetëm një mesazh: Ju lutem kini kujdes. Faleminderit polici dhe mos toleroni askënd. Ky është nje mesazh falenderimi për Policinë e Kosovës, për njësitin e trafikut. Ju faleminderit shumë që më mbushët mendjen”, thotë qytetari.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!