Specialisti i arsimit, Ndriçim Mehmeti ka qenë i ftuar në studion e Fax Neës, ku ka folur për situatën e arsimit në vendin tonë, pas pandemisë.
Advertisements
Mehmeti është shprehur se arsimi në vendin tonë është në ditët më të rënda dhe askush nuk shprehet për këtë, as personat përgjegjës dhe as prindërit e nxënësve.
Sipas tij, ky është një plan për de-arsimimin e shqiptarëve, duke bërë që të mos ketë formim të profesionistëve të mirëfilltë, ndërsa nxënësit mendojnë se do të ketë një lëshim nga ministria e arsimit duke bërë teza më të lehta provimesh në maturë.
Advertisements
“Ministria e Arsimit duket se është e kënaqur se askush nuk po i bie në qafë. Do të shkojnë në maturë nxënësit e Durrësit, apo të Thumanës, që kushedi sa kohë kanë që bëjnë mësimin në shkolla të ndryshme, ikin nga një shkollë te tjetra.
Maturantët mbase janë të bindur se ministria e asrsimit do vendosë dorën në zemër, do bëjë provime të lehta dhe do kalojmë për në shkollë të lartë.
Pse askush nuk flet për këtë, çfarë po formojmë ne? Këtu ka një heshtje, Këshilli Kombëtar i Arsikmit që u ngrit me bujë të madhe, pse nuk funskionon. OJF-të për arsimin nuk i kemi dëgjuar të flasin. Këshilli Kombëtar, nuk solli asgjë të re, nuk dimë gjë as për kryetare, nuk dimë njeri se çfarë bën.
Tani këtu ose arsimi ka arritur nivelin e Finlandës dhe e ka kaluar, pra ne jemi një tufë budallenjsh që nuk kuptojmë zhvillimet e mëdha që po nodhin. Ose është bërë plani i de-arsimimit të shqiuptarëve dhe ja ka arritur.
Asnjë pushtues nuk mund t’a arrinte këtë. Ne e dimë tashmë se kemi 40 mijë më pak studentë. Ne e dimë se kemi më shumë se 10 mijë të larguar nga të rinjve.
Prindërit që çojnë fëmijët jashtë thonë falë zotit që i çuam se shpëtuam, kështu edhe politika mbetet e kënaqur se thotë më mirë që ikën të rinjtë, këta që kemi këtu do i manipulojmë”– tha Mehmeti.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!