Zv. ministrja e Shëndetësisë, Mira Rakacolli ka reaguar pas lajmit që qarkulloi në media se është mbyllur spitali COVID4.
Advertisements
Kryetarja e Komitetit Teknik të Ekspertëve sqaroi se pavarësisht rënies së ndjeshme të numrit të shtrimeve, spitalet hapen dhe mbyllen me urdhra dhe nuk ka asnjë urdhër për mbylljen e spitalit COVID-4.
Nisur nga mbërritja e dozave të tjera të vaksinave ditën e djeshme, Rakacolli tha se politika kryesore e vaksinimit lidhet me grupmoshat dhe grupet e rrezikut.
Advertisements
“Ne do të vazhdojmë me mbarimin e grupmoshave mbi 70 vjeç dhe besoj që javën tjetër do të ulet grupmosha,” – tha zv. ministrja.
Ndërkaq sa i takon imunitetit të tufës, ajo theksoi se kjo ndodh kur arrin imunitetin mbi 70% e popullsisë gjë që për momentin nuk është duke ndodhur në Shqipëri.
Masat kufizuese nuk do të kenë asnjë lloj lehtësimi dhe të gjitha vendimet e reja do të merren në varësi të numrit të të infektuarve, sqaroi Rakacolli.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!