Joe Biden është betuar si presidenti i 46-të i SHBA në një ceremoni të zhvilluar sot në Capitol, nga ku ai u shpreh se “Kjo është dita e Amerikës”.
Advertisements
Shefi i ri Shtëpisë së Bardhë u betua para kryetarit të Gjykatës së Lartë John Roberts.
Në fjalimin e tij Biden tha: “Kjo është dita e demokracisë, një ditë historie dhe shprese, e ripërtëritjes dhe vendosmërisë”.
Advertisements
Ai tha se “kauza e demokracisë” festohet sot. “Vullneti i njerëzve është dëgjuar dhe vullneti i njerëzve është marrë parasysh,” u shpreh Biden.
****
Joe Biden ka mbërritur në ndërtesën e Capitol-it bashkë me bashkëshorten e tij Jill Biden, ku pritet të betohet si presidenti i 46-të i SHBA-ve. Zv.presidentja Kamala Harris dhe bashkëshorti i saj Doug Emhoff u panë gjithashtu të ngjitnin shkallët e ndërtesës së Capitol-it së bashku me Biden.
Biden, 78 vjeç, është presidenti më i vjetër amerikan që merr detyrën. Ceremonia e inaugurimit zhvillohet nën masa të rrepta sigurie dhe në mungesë të aktiviteteve festive si rrjedhojë e kufizimeve të koronavirusit.
Ish-presidenti Bill Clinton dhe e nominuara për presidente nga demokratët në 2016-ën Hillary Clinton ishin të parët që u panë në ceremoni.
Momente më vonë, ish-Presidenti George W. Bush dhe ish-Zonja e Parë Laura Bush u shfaqën gjithashtu në ceremoni.
Nuk mungoi as ish-presidenti Barack Obama dhe Zonja e Parë Michelle Obama.
Ish-presidenti Jimmy Carter, ish-presidenti më i vjetër në jetë, nuk pritet të marrë pjesë në ceremoninë e sotme.
I munguari i madh është padyshim Donald Trump, presidenti që u largua nga Shtëpia e Bardhë duke lënë vetëm një shënim, pas kontestimit të rezultatit të zgjedhjeve.
Presidenti amerikan Donald Trump, në një fjalim lamtumire të bërë publik të martën, bëri thirrje për lutje për administratën e re të Presidentit të zgjedhur Joe Biden, por nuk e përmendi emrin e pasardhësit të tij demokrat.
“Këtë javë, ne përurojmë një administratë të re dhe lutemi për suksesin e saj në mbajtjen e Amerikës të sigurt dhe të begatë”, tha presidenti republikan në video-mesazhin e tij. “Ne i shprehim urimet tona më të mira dhe gjithashtu duam që ata të kenë fat, një fjalë shumë e rëndësishme”, shtoi ai.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!