REALITETI shqiptar/ Dy fytyrat e Dhërmiut! Luks në rrjete sociale, por plazhi është mbuluar nga plehrat (FOTOT)

Dosja.al ka siguruar pamje nga plazhi, ku përveç shezlogëve, turistëve dhe shitësve, nuk mungojnë as grumbujt e plehrave.
DHËRMI– Padyshim që jugu është një nga pikat më të frekuentuara gjatë stinës së verës në Shqipëri, sidomos Dhërmiu! Por me turistët nisin edhe “problemet”… Në një shkrim të saj në rrjetet sociale, gazetarja Flora Xhemani Baba shkruante për kontrastin që kishte vënë re nga pushuesit, të cilët këtë vit kanë qënë me shumicë vendas. Një paragraf në shkrimin e saj, gazetarja ngrinte shqetësimin për plehrat të cilat janë në kontrakt me jetën vanitoze, e cila promovohet nga të rinjtë dhe jo vetëm.

Advertisements

“Plehrat i bashkojnë në harmoni të plotë të gjitha shtresat; të pasurit vanitozë, që rrudhin buzët sapo dalin nga resorti por që plehrat e tyre i fluturojnë nga dritarja e makinës, të varfrit që duan me çdo kusht të vijnë në Dhërmi edhe pse nuk është për xhepin e tyre, bizneset që prej nevojës së “vjeljes” ç’është e mundur nga gushti, nuk kanë kohë dhe i hedhin të gjitha aty afër, hallexhinjtë që shesin, shitësit ambulantë dhe plazhistët, që kur largohen, lenë pas skena të vërteta krimi e në fund edhe punojësit e pushtetit lokal, që lekët e plazheve i morën paradhënie por dy kosha më shumë nuk i vunë dhe e kanë lënë gjithë plazhin në mëshirën e ndërgjegjes së munguar të kësaj lukunie që përmenda më sipër.”

Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!

Kategorite