Qeveria greke ka njoftuar se me rihapjen e shkollave më 7 shtator të këtij vitit, maskat do të shpërndahen falas si për nxënësit edhe për mësuesit. Lajmi është bërë me dije Ministri Takis Theodorikakos, teksa ka folur radion “Thema”, i cili ka deklaruar se tre maska do të ofrohen falas për secilin prej 1.350,000 studentëve dhe 130,000 mësuesve që janë pjesë e sistemit arsimor të Greqisë.
Advertisements
Ndërsa më herët përmes një postimi në rrjetin sociale Twitter, ai ka thënë se qeveria greke do të ofrojë 5.2 milion euro për të gjitha komunat në Greqi, në mënyrë që maskat të përdoren nga të gjithë qytetarët pa paguar për to.
“Me një grant të veçantë të jashtëzakonshëm , prej 5, 2 milion eurosh për të gjitha komunat, ne furnizojmë të gjithë studentët dhe të gjithë mësuesit me maska. Ne kemi vënë në praktikë vullnetin e qartë politik të kryeministrit grek për të mbrojtur shëndetin.”- ka thënë ai.
Advertisements
Kujtojmë se një ditë më parë vet kryeministri grek, Kyriakos Mitsotakis dha lajmin e mirë se vaksina kundër koronavirusit do të shpërdahet falas për të gjithë qytetarët, menjëherë sapo shteti të ketë në dispozicion një vaksinë efektive dhe të sigurt.
Greqia është god itur rëndë nga pandemia e koronavirusit që prej kohës kur shpërtheu në mars, ndërsa deri më tani në të gjithë territorin grek janë shënuar në total 238 vik tima dhe 8.138 të infektuar prej të cilëve aktualisht janë aktivë 4.096, ndërsa lajmi i mirë është se janë shëruar 3.804 prej tyre.
Burimi: newsbeast.gr
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!