Koronavirusi vazhdon të përhapjet me shpejtësi në qytetet të ndryshme të vendit. Në të gjithë Shqipërinë, sipas Ministrisë së Shëndetësisë janë shënuar sot 82 raste të reja nga rreth 400 tampone që janë realizuar në 24 orë.
Advertisements
Pesë raste të reja janë shënuar në qytetin e Elbasanit, ku pas mbylljes së pavijonit të Gjinekologjisë, COVID-19 është përhapur dhe tek bluzat e bardha, por ka prekur gjithashtu dhe një fëmijë.
Korrespondentja e “Panorama” në Elbasan, raporton se ndër raste e reja është ai i infektimit të një mjeku reanimator, i cili ka rezultuar pozitiv ndaj testit të COVID-19.
Advertisements
Fatkeqësisht veç mjekut kanë rezultuar të prekur edhe familjarët e tij. Pozitiv ndaj testit kanë rezultuar dhe bashkëshortja dhe vajza e mjekut në Elbasan.
Dyshohet se infektimi i mjekut ka ardhur si rezultat i kontaktit që ka patur me maminë e repartit gjinekologjik, ku disa ditë më parë u infektuan dy punonjëse të këtij pavijoni.
Po ashtu ndër rastet e konfirmuara ditën e sotme rezulton të jetë dhe një mjek pediatër, për të cilin ende nuk dihet se kush ka qenë shkaku prekjes nga COVID-19.
Ndërkohë që raportohet se mes të prekurve është dhe një fëmijë i moshës 4-vjeçare./ Panorama.al
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!