Reperi Mozzik ka dhënë një intervistë për “20 minuten” ku ka folur për karrierën e tij, ndarjen me Loredanën dhe skandalin me zhvatjen e çiftit zviceran.
Advertisements
Në intervistë, Mozzik ka treguar arsyen se përse është ndarë me nënën e vajzës së tij, por nuk e ka kursyer atë të fundit duke u shprehur se nuk e beson 100% për historinë me çiftin të cilëve iu mori paratë.
PJESË NGA INTERVISTA:
Advertisements
Ju shpesh pozoni në mediat sociale në makina të shtrenjta dhe me bizhuteri. Sa e rëndësishme është paraja dhe luksi për ju?
Në fakt, unë i urrej makinat dhe bizhuteritë. Por detyrohem që t’i ndjek dhe t’i reklamoj pasi është një pjesë e stilit të jetesës së reperit.
Çfarë ju bën të lumtur në jetë?
Familja ime, vajza ime e dashur Hana dhe puna ime.
Kënga juaj e fundit quhet “Dhelpër dinake”. Kujt i kushtohet?
Asnjë person i vërtetë. E shkrova këngën dy vjet më parë.
Mediat kanë përfolur se kënga është për nënën e vajzës suaj, Loredanën?
Loredana është nëna e vajzës time. Unë kurrë nuk do të thoja asgjë të keqe për të.
Ju ishit në një lidhje me Loredanën për një kohë të gjatë. Si u takuat me njëri-tjetrin?
Unë i shkrova në Instagram dhe mendova: “çfarë gruaje e shkëlqyer.” Pastaj prita një javë për t’i shkruar përsëri. Në ditën e Shën Valentinit katër vjet më parë, u takuam për herë të parë.
Si ishte takimi?
I çuditshëm. Shkuam në një restorant dhe të gjithë na shikonin. Në një moment i thashë Lorit: “Eja, le të shkojmë”.
Ishit një çift model, tani jeni të ndarë. Pse?
Oh, thjesht nuk funksionoi më.
Çfarë ndodhi?
Gjërat private. Kjo mund të ndodhë për të gjithë.
A je i trishtuar?
Jo. Koha me Loredana ishte e shkëlqyeshme. Por ndonjëherë ka një moment të tillë në jetë – prandaj u ndava me Lorin. Por do ta respektoj për tërë jetën.
Sa herë e shihni vajzën tuaj të vogël?
Unë jam në kontakt me të çdo ditë përmes videove. Herën e fundit që e pashë dhe e takova ishte dy muaj më parë. Më mungon Hana çdo ditë. Por do ta shoh tani në dhjetor pasi ka ditëlindjen dhe mezi po pres.
Kujt i ngjan Hana?
Mua. Është një mini-Mozzik.
Nëse divorcoheni, do të humbni lejen tuaj të qëndrimit në Zvicër. A është ky problem për ju?
Jo, nëse ligji thotë kështu, kështu është dhe unë e respektoj. Divorci është në rrugën e duhur. Por jam i sigurt se do të marr një vizë pune për shfaqjet e mia.
Thuhet se paratë ishin një arsye për ndarjen tuaj. E vërtetë?
Jo. Sigurisht, kemi biseduar për para, ashtu si çdo bën çift.
Si është Loredana si grua?
Ajo ka një zemër të madhe dhe i do njerëzit. Por ajo duhet të ndryshojë.
Në çfarë mënyre?
Nuk dua ta them se në publik, ajo e di se vetë.
Sa të rëndësishme janë paraja dhe luksi për Loredanën?
S’kam asnjë ide.
Loredana u përfol se kishte zhvatur një çift nga Zvicra, Prokuroria ka filluar një hetim për dyshimin e mashtrimit. Çfarë dini për rastin?
Asnjë ide.
Mund ta kujtoni ditën kur policia erdhi në shtëpinë tuaj?
Po. Ishte ora tre ose katër pasdite. Zyrtarët silleshin si duhet dhe unë u ofrova diçka që të pinin dhe të hanin. Hëngrëm luleshtrydhe së bashku.
Si u ndjetë në atë moment?
Unë isha në shok dhe nuk e dija se për çfarë bëhej fjalë. Vazhdova ta pyesja veten, “çfarë po ndodh tani?” Ishte një ndjenjë shumë e keqe.
Çfarë ndodhi atëherë?
Policia kreu një kontroll në shtëpi. Unë mendoj se morën fatura. Pastaj Loredana duhej të shkonte me ta për t’iu përgjigjur disa pyetjeve. Ndërkohë, unë kam qenë duke pritur me Hanën në shtëpi.
E besoni ju historinë?
Jo. Dua të besoj që ajo nuk e ka bërë diçka të tillë. Edhe nëse rezulton e kundërta, unë sërish do të mendoj se nuk e ka bërë.
Pse?
Ajo është nëna e vajzës time. Unë gjithmonë do ta mbroj atë.
A e doni akoma?
Sigurisht që më pëlqen.
Një ditë pasi historia u bë publike, Loredana dha një konferencë për shtyp në Prishtinë. Si ishte për ju?
Unë nuk kisha asnjë ide për historinë apo se si ishte e vërteta. Mbaj mend që isha i skuqur.
Pse morët pjesë në konferencën për shtyp?
Ashtu jam unë. Nëse e dua dikë, jam gjithmonë aty për të, pavarësisht gjithçkaje.
Nuk folët me Loredana për rastin?
Nuk kishim kohë .
Si ju duk Loredana?
Ajo ishte pak nervoze. Do të më pëlqente më mirë nëse nuk do të kishte veshur syze. Por ajo këmbënguli.
Ju keni parë videot në të cilat Petra Z. tregon historinë e saj. E besuat?
Në fillim, mendova se Loredana nuk kishte asnjë lidhje me të. Por më pas…pashë sytë e kësaj gruaje, gjestet e saj dhe gjithçka… Unë e besova pak. Koka ime beson Loredanën, ndërsa zemra ime gruan.
A do ta ndihmonit Petran nëse ajo do t’ju kërkonte?
Nëse mund ta ndihmoja, do ta bëja. Shpresoj vetëm që gjithçka të shkojë mirë.
Pak muaj më parë, reperja Loredana u akuzua për vjedhjen dhe mashtrimin e dy të moshuarve zviceranë. Ajo u shtir si vajza e një avokati dhe bashkë me të vëllain iu mori shumën e madhe të parave prej 900 mijë frangash dy shtetasve zviceranë.
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!