Meta nis ditën nga malet dhe hedh akuza të rënda, por ndaj kujt: Keni shkëlqyer me njëanshmërinë, pse nuk keni sy apo veshë?

Që në pikë të mëngjesit, presidenti Ilir Meta ka nisur aktivitetin sportiv të ecjes nëpër përrenjtë me ujë borë.

Mirëpo teksa ka qenë duke ecur, i ka lindur natyrshëm një pyetje, sipas tij për të gjithë ata persona që bëjnë si të paanshëm.

Presidenti kërkon të dijë se përse nuk reagojnë për krizën politike, ndërsa ngre dyshimet nëse duan dështimin e çeljes së negociatave.

“Mirëmëngjes të dashur miq!

Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?

Ju uroj një fundjavë të mbarë!”, shkruan presidenti.