Zgjedhjet lokale në Turqi kanë përfunduar dhe tashmë vendimi mbi epilogun e tyre është në duart e komisionit shtetëror, deklaroi presidenti i vendit, Recep Tayyip Erdoğan, raporton Anadolu Agency (AA).
Advertisements
“Nëse rezultatet e këshillave zgjedhore (provinciale) nuk korrespondojnë me tonat, atëherë Këshilli i Lartë Zgjedhor për ne do të jetë fjala e fundit”, deklaroi Erdoğan pas faljes së namazit të Xhumasë në Stamboll.
“Është e drejtë e jonë t’i ankimojmë”, shtoi më tej presidenti turk, duke iu referuar ankesave të dërguara nga Partia për Drejtësi dhe Zhvillim (AK Parti) e cila kërkon rinumërim në Stamboll dhe në Ankara.
Advertisements
Erdoğan, paralajmëroi Shtetet e Bashkuara të Amerikës (SHBA) dhe Bashkimin Evropian (BE) për përzierjen e tyre në punët e brendshme të Turqisë dhe porositi se duhet të dinë se ku kanë vendin dhe të ndalojnë të përzihen në procesin zgjedhor në vendin e tij. “Vendimin përfundimtar e sjell komisioni zgjedhor, dhe pas këtij vendimi, gjithçka do të përfundojë”, theksoi Erdoğan.
Aleanca Popullore e përbërë nga Partia AK dhe Lëvizja Nacionaliste (MHP), në zgjedhjet e 31 marsit fitoi 53.3 për qind të votave duke fituar kështu 25 nga 39 rrethet e Stambollit, tha Erdoğan.
Ai vlerësoi lart pjesëmarrjen e lartë të votuesve, rreth 82 për qind, duke thënë se kjo i jep një leksion demokracisë në mbarë botën.