Policia Rrugore e Tiranës, vë në pranga drejtuesin e një autobusi i cili i jepte mjetit në gjendje të dehur.
Advertisements
Gjatë kontrolleve me përzgjedhje, nisur edhe nga ankesat e pasagjerëve, për mënyrën e sjelljes së drejtuesve të mjeteve të transportit publik qytetas dhe ato rreth qytetas, në rrugën “29 nëntori”, rreth orës 08:00 të mëngjesit të kësaj të marte, konstatuan një autobus të linjës Institut Bujqësor- Tiranë duke qarkulluar në mënyrë të çrregullt.
Nga verifikimi me aparatin alkool testues, drejtuesi i autobusit me iniciale N.K., 59 vjeç, i cili në momentin e ndalimit nga policia rrugore, po transportonte me autobus rreth 95 pasagjerë të linjës përkatëse, rezultoi nën efektin e alkoolit.
Advertisements
Në testin e parë rezultoi 0.74 mg/l dhe në testin e dytë 0.71 mg/l, ndaj në këto kushte drejtuesi i autobusit u arrestua në flagrancë për veprën penale “drejtimit i mjetit në gjendje të dehur”.
Policia rrugore falenderon pasagjerët e autobusit për adresimin në kohë të shqetësimit duke parandaluar një ngjarje me pasoja të rënda dhe fton që të denoncohen dhe raste të ngjashme.Noa
I jepte autobusit i dehur rrugëve të Tiranës, bie në pranga on Vidnews.